தன்னை தானே அறிவது உண்மையான அறிதல்

​​ 

தன்னைத்தானே அறிவது உண்மையான அறிதல். அதன் மூலம் மனிதன் இறைவனை அடைந்து கொள்வான். அதை பற்றி அறிந்துக்கொள்ள இந்த கட்டுரையை வாசியுங்கள்.

தன்னை அறிதல்

​​தன்னை அறிவதற்கு முதல் படி என்ன? என்பதை அறிய இமாம் கஸ்ஸாலி ரலியல்லாஹு அன்ஹு அவர்கள் எழுதிய இந்த சிறு கட்டுரையை வாசியுங்கள்.

அஸ்மா உல் ஹுஸ்னாவின் ரகசியங்கள்

​எழுதியவர்:  அஸீஸ் மரைக்கா காதிரி

குணமோ குறிப்போ அற்ற மூலத்தின் (தாத்தின்) குணமும் குறிப்பும் உள்ள கோலத்தின் (சிபத்தின்) இயல்புகளை (அஸ்மாக்களை) கவனிக்கும் பட்சத்தில் இறைவனுடைய திரு நாமங்கள் – 99 ஆகும்.

இந்த 99 எதார்த்த இயல்புகளும் (அஸ்மாக்களும்) மனிதர்களில் பிரதிபலிக்கும்.

​பிறக்கும் ஒவ்வொரு மனிதரும் இந்த 99 அஸ்மாக்களில் ஏதாவது ஒரு அஸ்மாவின் ஆதிக்கத்தில் பிறந்திருப்பார்.

ஒரு மனிதனிடம் எல்லா இயல்புகளுமே காணப்பட்டாலும் அவன் எந்த இயல்பின் ஆதிக்கத்தில் இருக்கிறானோ அந்த இயல்பே அவனிடம் மேலோங்கி நிற்கும்.

​

உதாரணமாக ஒருவன் மன்னிக்ககூடியவன் என்ற இயல்பின் ஆதிக்கத்தில் பிறந்திருந்தால் அவன் யாரையும் பழிவாங்க மாட்டான். அதேபோல் ஒருவன் பழிவாங்குகிறவன் என்ற இயல்பின் ஆதிக்கத்தில் பிறந்திருந்தால் அவன் யாரையும் மன்னிக்க மாட்டான். இதுவே மனிதர்களின் எதார்த்த இயல்புகளாகும்.

​

இறைவனுடைய இந்த 99 திருநாமங்களும் (இயல்புகளும்) மனிதர்களிடையே பிரதிபலிக்கிறதே தவிர இறைவன் மனிதர்களலவில் இறங்கி விடுவதல்ல.

​

இந்த எதார்த்த இயல்புகள் ஒரு புறமிருக்க, மனிதர்கள் மன இச்சையின் போக்கில் வாழ்ந்து தீய இயல்புகளை தானே தேடிக்கொண்டு வாழ்வதால் எதார்த்த இயல்புகள் மங்கி இச்சையின் இயல்புகள் மேலோங்கி விடுகிறது.

​

தீய இயல்புகள் ஒவ்வொன்றுக்கும் ஒரு கீழான படைப்புகள் உள்ளன. அந்த படைப்பினங்களில் ஒன்றை தனது தீய இயல்புக்கு ஏற்ற ஒன்றை இங்கேயே தேடி கொண்டு அவர்கள் தேடிய ஒன்றாக மறுமையில் எழுப்பப்படுகிறார்கள்.

உடலும் உயிரும்

​​ 

மனிதனைவிட அற்புதமான ஒரு படைப்பு எதுவுமில்லை. தன்னை முழுமையாக விளங்குவதே இந்த உலகிற்கு நாம் வந்த நோக்கம். தன்னை அறிவது கடமை பர்லு. அறிந்துக்கொள்ள இந்த கட்டுரையை வாசியுங்கள்.